النوته الحسابيه البوست ده هيتكلم عن النوته الحسابيه اللى الناس كتير بتبقى محتاجاها فى الشغل بتاعها ويبيقى عندها تساؤل بشكلها وطريقتها وهنا هنحاول نلخص الموضوع بشكل سريع ومفيد.

يعني إية نوته حسابية ؟؟؟
=================
النوته الحسابيه
البوست ده هيتكلم عن النوته الحسابيه اللى الناس كتير بتبقى محتاجاها فى الشغل بتاعها ويبيقى عندها تساؤل بشكلها وطريقتها وهنا هنحاول نلخص الموضوع بشكل سريع ومفيد.
طيب تعالو كده فى الاول نفهم يعنى ايه نوته حسابيه او (Calculation Notes) لمشروع :
=======================
النوته هى ملف يحتوى على المعلومات الاساسيه اللى المهندس المصمم اشتغل عليها التصميم الخاص به وكمان بتستعرض المدخلات والمخرجات الخاصه بالمنشأ والخطوات الاساسيه اللى التصميم اتعمل من خلالها .

انواع النوته من حيث الشكل
==================
نوته من برامج التصميم الانشائى بشكل مباشر
الفكره هنا انك بتعتمد على مخرجات برامج التصميم
الهندسي(Sap ,ETABS ,CSI COLUMN ,SP COLUMN, SAFE ,STAAD PRO …..)
فى شكل النوته اللى بيخرجها يعنى من الاخر انت بعد مابتخلص التصميم بتخلى البرنامج هو يعملهالك اتوماتيك بالشكل اللى الافتراضى الخاص به بس مشكله الطريقه ديه انها معتمده على نوع وشكل النوته اللى البرنامج بيطلعها بمعنى ان ممكن يكون برناج كويس جدا بس شكل النوته الخاصه به مش كويس زى مثلا برنامج ال SAP فالموضوع بيبقى صعب على اللى بيراجه وراك لما يقرأ من النوته ديه وعلشان كده مش بنلجأ ليها كتير الا لو برنامج معروف ان شكل النوته ليه كويسه زى مثلا برنامج ETABS OR STAAD PRO
النوته الحسابيه اليدويه
والنوع ده الاكثر شيوعا وهو انك بتعتمد انك اللى بتعمل النوته الحسابيه بشكل كامل وبتستخدم المخرجات اللى عندك سواء من برنامج او شيتات اكسيل وتضيفها داخل النوته

طيب تعالو نفهم ايه هى المكونات والبنود الاساسيه لاى نوته لازم تحتوى عليها
=======================
البند الاول :معلومات عامه عن المشروع زى المكان فين – اسم المالك والاستشارى والجهه المنفذه المقول يعنى.
البند الثانى :معلومات وافيه عن الاكواد اللى اشتغل عليها المهندس المصمم يعنى التصميم كان كود امريكى ولا مصرى ولا اوروبى او .... على حسب الاتفاق للمشروع.
البند الثالث : بيكون محتوى الاحمال اللى المهندس صمم عليها ويذكر قيمتها كام وجبها منين علشان ميكنش افتراض بدون مرجعيه صحيحه
ومثال للاحمال ( الاحمال الحيه – الاحمال الميته اللى وزن المبنى والتشطيبات – الاحمال الجانبيه وهنا بنذكر المنطقه الزلزاليه والعوامل الاخرى اللى بيتوقف عليها قيمه الحمل الزلزلالى وكمان اى بيانات بنبقى محتاجنها فى ايجاد الحمل ده ).
البند الرابع : بعد كده بنبدأ نستعرض نمذج التحليل الانشائى يعنى بنبدأ نوضح ازاى عملنا analysis للمبنى علشان نطلع قيم ال M , Q , N المومنت والشير والنورمال اللى بنحتاجها فى التصميم .
البند الخامس :هنا بنبدأ ندخل فى التصميم نفسو بنبدأ نستعرض ازاى صممنا كل عنصر انشائى والمقصود هنا بنبدأ نبين شكل القوى اللى هصمم عليها واستعرض معادلات التصميم اللى استخدمتها فى التصميم بتاعى والنتائج اللى خرجت من التصميم ده بحيث اللى يشوف النتائج يعرف انت ليه استخدمت حديد بالقيمه والشكل ده فى العنصر اللى بنصممو.
البند السادس : وده بند اختيارى وهو خاص بالتوصيات للمشروع من وجهه نظرك التصميميه يعنى احيانا بنحتاج نوضح ونأكد على تفاصيل او معلومه معينه.
طيب كل اللى فات ده جميل يبقى بقى محتاجين حاجه تبقى قدامنا علشان نفهم الفكره اكتر ونحاول نعمل زيها او احسن كمان وكل واحد على حسب هو محتاج ايه فى النوته الحسابيه الخاصه بيه وعلشان كده ده رابط لاشكال مختلفه من النوته الحسابيه ان شاء الله تكون مفيده ليكم .
نوته حسابيه لعمارة سكنية – عربى
https://www.file4.net/f-10d2
نوته حسابيه لعمارة سكنية 2 – عربى
https://www.file4.net/f-10d6
نوته حسابيه لفيلا سكنيه – عربى
https://www.file4.net/f-10d4
نوته حسابيه لبرج ادارى – انجليزى
https://www.file4.net/f-10d9
نوته حسابيه لكوبرى – انجليزى
https://www.file4.net/f-10d8